![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Kryetari i PD-së, Sali Berisha ka uruar nga dritarja e banesës së tij Kombëtaren për ndeshjen e tyre të së nesërmes kundër Italisë, por gjithashtu u bëri e një thirrje të ‘veçantë’ tifozëve që do jenë të pranishëm në stadium.
Ish-kryeministri u shpreh qytetarëve se nëse shohin Edi Ramën apo pjesëtarë të tjerë të qeverisë në stadium, të ndryshojnë sloganin e tyre në “Rroftë Kombëtarja, poshtë hajdutet! Jashtë hajdutët!”.
Sipas tij tifozët në këtë mënyrë nuk mbështesin vetëm lojëtarët kuq e inj, por dhe kombin.
“Miqtë e mi, nesër është një ditë shumë e veçantë për futbollin shqiptar dhe për shqiptarët.
Le të urojmë ne nga zemra ekipin tonë kombëtar, lojtarët, kapitenin, trajnerin Silvinjo, federatën për suksesin që meritojnë.
Ata siç e dini, janë në grupin e më të fortëve. Por në fakt aty e kanë vendin, aty u takon dhe u uroj shumë suksese nesër.
Uroj tifozët kuqezi, mirënjohje për Gjermaninë që anuloi përdhosjen e simboleve dhe himnit të tyre nga kryehajduti i kombit, Edi Rama.
Fansat kuqezi janë energjia e pashtershme e ekipit tonë.
Iu bëj thirrje në rast se Edi Rama me bandën e tij duket kund në stadium, slogani juaj duhet të jetë: Rroftë kombëtarja, poshtë hajdutët! Jashtë hajdutët!
Se kështu ju zhvilloni mbështetjen më të fuqishme për ekipin, por edhe për kombin aty ku jeni”, tha Berisha në fjalën e tij para mbështetësve demokrate poshtë banesës.